由呈三吽到升中

妹妹頭

回覆 kwankwanchun 的帖子

Sorry, 問錯人, 我知你係東九

kwankwanchun

bb鼠 發表於 18-4-30 10:18
我細仔啱啱好接到家姐，唔係龍年無眼睇
係呀得10分

唯有等大抽獎

chanwendy

我以前都唔知而家啲中文原來係叫深架, 小一時中文唔洗理都九十幾分, 小二閱讀寫作都冇問題, 就聆聽出事, 個個話好深, 評估返嚟好多人好底分, 嗰陣就第一次成績表見紅, 就係聆聽平時分.  仲記得家長日同老師講小一去小二個差距好大, 誰知老師回一句小二去小三差距仲大.

到小三開始, 想拎九十幾分已經係難了, 保到A都叫唔錯喇, 周不時得個B尾, 就開始由以前只做一本練習變成做兩三本, 到四年級叫好返啲.  唔知點解上到五年級幾乎直插谷底, 第一次考試唔合格, 仲要50分都冇.  之後就瘋狂操閱讀理解, 屋企有 4-5本不同出版社的. 至少到呈一保到個B. 碰到電視做射鵰, 迫佢暑假睇晒成套書, 我都唔知係咪真係有幫助, 小六有兩三次閱讀評估, 亞女竟然拎A, 有一次仲要係全班最高分添.  佢自己見到成績後, 都開始願意去睇返多啲中文書, 中文成績先會止跌回升咋.  所以我都認同多睇書係好重要, 問題係冇咩時間睇, 加上佢睇書慢, 一個長假都睇唔到幾多本.

bb鼠

chanwendy 發表於 18-4-30 10:41
我以前都唔知而家啲中文原來係叫深架, 小一時中文唔洗理都九十幾分, 小二閱讀寫作都冇問題, 就聆聽出事, 個 ...

我女初小中文好差，之後用咗年幾時間，專做閱讀理解，宜家中文拍得著英文，可惜數就坐過山車咁

Kalongmama

妹妹頭 發表於 18-4-30 10:29
回覆 kwankwanchun 的帖子

Sorry, 問錯人, 我知你係東九

你問我？我無補開，睇定D先，我可以問下朋友！

chanwendy

bb鼠 發表於 18-4-30 11:21
我女初小中文好差，之後用咗年幾時間，專做閱讀理解，宜家中文拍得著英文，可惜數就坐過山車咁
...

我女數就睇 TOPIC, 幸好, 佢好的TOPIC 多過差的, 咁拉埋都叫唔錯.

bobbob

bb鼠 發表於 18-4-29 16:30
我俾埋個電話去查個女都是唔肯睇英文書

你成日叫佢查字典梗係唔肯睇，我仔睇書咁耐未查過字典

bb鼠

bobbob 發表於 18-4-30 12:52
你成日叫佢查字典梗係唔肯睇，我仔睇書咁耐未查過字典

老師話啱佢睇嘅一頁5個字唔識就差不多，全部識又唔好，唔識廿個又太深

bb鼠

chanwendy 發表於 18-4-30 12:48
我女數就睇 TOPIC, 幸好, 佢好的TOPIC 多過差的, 咁拉埋都叫唔錯.

我女d方向呀咩菱呀角呀果d咪好

bobbob

bb鼠 發表於 18-4-30 12:57
老師話啱佢睇嘅一頁5個字唔識就差不多，全部識又唔好，唔識廿個又太深
...

唔識可以用前文後理推返個解釋出嚟，老師嗰套係俾BB用，一頁紙得幾行，如果超過10隻字唔識根本唔會睇得明
你女睇緊咩書？可能係對題材無興趣

bb鼠

bobbob 發表於 18-4-30 13:07
唔識可以用前文後理推返個解釋出嚟，老師嗰套係俾BB用，一頁紙得幾行，如果超過10隻字唔識根本唔會睇得明
...

叫佢借根本不肯借英文

bb鼠

bobbob 發表於 18-4-30 13:07
唔識可以用前文後理推返個解釋出嚟，老師嗰套係俾BB用，一頁紙得幾行，如果超過10隻字唔識根本唔會睇得明
...

佢鐘意睇動植物多，近排買咗康熙佢睇佢又ok

bobbob

bb鼠 發表於 18-4-30 13:09
佢鐘意睇動植物多，近排買咗康熙佢睇佢又ok

如果佢鍾意動物可以借有關動物嘅書畀佢，最緊要投其所好。
我仔唔肯睇中文書，最近我借咗本佢好鍾意嘅作者嘅翻譯小說，200零頁齋字都睇得晒，雖然用咗成個星期。

bb鼠

bobbob 發表於 18-4-30 13:18
如果佢鍾意動物可以借有關動物嘅書畀佢，最緊要投其所好。
我仔唔肯睇中文書，最近我借咗本佢好鍾意嘅作者 ...

我女近來鐘意睇中文，之前借過童話故事學作文，佢又ok,宜家睇緊秦始皇，佢話睇完學下人睇小說

chanwendy

bb鼠 發表於 18-4-30 12:57
我女d方向呀咩菱呀角呀果d咪好

老師話數感弱就強圖形嘛.

bb鼠

chanwendy 發表於 18-4-30 14:21
老師話數感弱就強圖形嘛.

我就相反，圖型方向呢d唔好問我

chanwendy

bb鼠 發表於 18-4-30 12:57
老師話啱佢睇嘅一頁5個字唔識就差不多，全部識又唔好，唔識廿個又太深
...

我女都係鍾意睇英文書多啲, 但係又永遠唔查字典架, 佢借返嚟的書, 我有時間都會睇埋一份.  我自己睇都有字唔識啦, 雖然係估到大約咩意思, 但都會想知真正意思嘛, 問親亞女點解唔洗查, 佢真係答我估到仲查嚟做乜.

bb鼠

chanwendy 發表於 18-4-30 14:23
我女都係鍾意睇英文書多啲, 但係又永遠唔查字典架, 佢借返嚟的書, 我有時間都會睇埋一份.  我自己睇都有字 ...

我女連估都懶呢⋯⋯

kangaroo1101

回覆 chanwendy 的帖子

我又係唔知關唔關事, 佢小五升小六暑假我迫個仔睇左"修煉"三部曲，佢六年級的中文成績好左好多，尤其係閱讀理解有明顯的進步

chanwendy

kangaroo1101 發表於 18-4-30 14:38
回覆 chanwendy 的帖子

我又係唔知關唔關事, 佢小五升小六暑假我迫個仔睇左"修煉"三部曲，佢六年級的中文 ...

我覺得多少都有關係架, 我女上咗小學我地多數睇英文書, 因為小一至小四時係每個星期都要做英文讀書報告, 每星期都會借本英文書返嚟. 咁借咗返嚟我就一定要佢睇晒去, 後來應該有家長投訴太密, 小五開始改咗兩星期做一次.  反而中文讀書報告, 好耐先做一次, 就算而家小六, 都係唔洗點寫字架, 一係設計封面, 一係口講故事, 再唔係就係咁二抄幾個新學的詞語就算, 我同學校反映過意見都係咁, 我都唔再講.  所以中文書睇得好少, 課程愈高級就愈深, 但係我女的程度就冇跟住上升, 咪反跌囉.  我細仔今年小三, 上年小二時, 我女做小五閱讀理解的配詞做唔掂, 我仔中文水平本身都算高, 八八啩啩去睇吓家姐啲唔識做的題目, 佢竟然有幾題都識做.  有啲詞語係細佬明或估到大意, 家姐係完全冇頭緒的.
而家我女至少都肯睇中文書, 上次學校家長日書展, 我都話唔理內容, 佢真係有興趣睇的我都會買, 結果買咗幾本顛覆童話, 雖然我都覺得小六仲睇呢啲書都有點低能, 不過佢肯睇就得喇.